اذا ما بتعرف تقرا شامي .. لا تفوت
ئال لحالو , لئوم اشطف أرض هالحوش
بركي بيروح البأ
مسك البربيش و شغل المي ، وحطا بالطنجرة وسخنا عالنار لحتى بقبقت و بربقت،
و كتا بالحوش الجواني بالطاسة لانو ما عندو سطل ،
و دعك الارض منيح من الزفر لانو دبئة ،
فك الكمر ليترحرح و شلح الشلحة ، منشان ما تتشحور، و شلفا وراه ،
و فرشّخ فوق المي ، و دئّر شوي ، و بعدين نط بجعزة ، تفشكل بكومة خشب ، و انطبش فوقا،
طبشة آآآتولية ، و انجرحت ايدو واوا حشّك ولبك، و بعئ و جعّر آخ يا يامو ، يا يابي ، واجيت امو
وبإيدا الطواية و الشمشاية و قالتلو يييي عليك ، ليش عبتحركش و تنكّش ، متل البوبو ،
كنت امسوك الدرابزين، شو معمصة عيونك و مفشفش ،
ئعود عالبرطوشة ، و تلقح عالزيق ، و حاج تطرطق و تفرتّك ،
دحتّه دحة ،
و جابتلو شئفة شرطوطة و ربطتا ، بعد ما خسلتا بالمي وعصرتا ،
و طرطشت تنورتا، و آلتلو ئوم تغندر
وليييي على آآآمتك شو نعيان ,
ناتع هالطول عالفاضي ,
أاوم من وششي , هزيتللي بدني ,
وما شطفت البيت ,
ولا راح البأ ,
تضرب بهالآمة ,,
موضوع: اذا ما بتعرف تقرا شامي .. لا تفوت 
الأحد أبريل 29, 2012 9:45 pm