Thegreat lebanon by a lebanese woman

The great Lebanon, by a Lebanese woman .....

to all lebanese people
please read till the end
it's worth reading

سألوني وهني معجوقين
سمعتي اخر الاخبار وبالبلد شو عم يصير
سمعتي شو قال وليد جنبلاط
اللي كان اهم زعيم بتحالف ال 14 المتحدين
الله يستر من الجاي وما منعرف شو بعد مخبيين
********
ابتسمت وبقهر جاوبتهم
هيدا رأي بالزعماء واللي عم بيصير
ما بيهمني شو بيقول عني الأخرين
***********
ما همني بما قاله وما سيقوله وليد جنبلاط؟!
وما قاله أو سيقوله
أي زعيم ٍ آخر في البلاد ؟
وعائلتي كأكثر العائلات
أفرادها موزعون
كل فردٍ في بلاد وما منشوف بعض
غير على مر السنيين !
**********
ما همني من رضى او لم يرضى
ونصف سكان بلادي مرضى
من يتحكم على حساب الدولة
ومن لا حول ولا !
اذا ألم به شديد
وأَبَى أن يطرق باب وزير أو زعيم ، بينرمى
بالشارع وبيدور يشحد حق التحكيم !
**********
ما همني ما يقوله وليد جنبلاط
أو أي زعيم ٍ آخر في البلاد
والعائلات تُخَّرِجَ أولادها
من الجامعات الى (الطائرات)
**********
وما همني ان كان لبنان "قطعة سماء"
" شوية صخرٍ وتلال"
أو " كم أرزة عاجقين الكون "
وانا ومئات الآلآف
نعيش في الصحراء ، وبجمال لبنان مش متهنيين !
منترك لبنان وكل الحلى لغيرنا ومنعيش بغربه طول عمرنا
ومنقول كتر خير الله مستورين
**********
ما همنى اذا زاد عدد السائحين
وأكثر المقيمين لا يملكون
ثمن البنزين ّ
والمغتربون في بلادهم سائحين !
********
اعجب كيف بيصرح وزير السياحة بفخر
انه فوق المليونين سائح دخل لبنان خلال السته اشهر الماضيين
وما بيستحي
من حالوا وزير المغتربين لما بيصرح انه في 15 مليون لبناني
ببلاد الله الواسعه مشردين
**********
أعجب كيف نتغنى بالحضارة
والهوارة !
يا عالم الشغله ما بدها شطاره
خبروني بأي بلد حضاري
بتعيش شعبها على الشمعه
والموتير بحجة تقنين الكهرباء اللي عايشه على الحراره
وبلدناٍ بيغازل البحرَ
ويتغنى بالانهار والحضاره
ونحنا الشعب مشتهين نتحمم او نشرب من المي
اللي متوفره عنا بكثاره
ويجبرونا نشتري الماء بحجة القذاره !
*********
وأي بلد حضاريٍ
تزفت فيه الطرقات
والكل بيصير يعرض خدمات
فقط تيضمن يفوز بالانتخابات
**********
اي بلد حضاريٍ
يُختصًرُ في دور المرأة السياسيِ
بالديكور على الشاشات ، او بجلسه خاصة
لمصالح المهمين ،
يمكن نسيوا ان بلبنان عنا 90% من النسوان مثقفين
واذا تركونا نحكم البلد
كنا منفرجيهم كيف المرأة من الخراب
عملت بلد جنه ما فيه محتاجين
ولا ناس نايمه جوعانين
**********
لشو بدنا نصوت لمغارة جعيتا
تتكون من عجائب الدنيا السبع !!!
ما همني اذا وجدت في بلادي
إحدى عجائب الدنيا السبع ؟!
وأعجب العجائبُ أن نتقاتل
ونتناحر ونتخاصم
وكل يوم عم نصوت من أجل زعماءٍ
صار لهم عنا سنين وبكتاب غنيس مسجلين
وهُم من عجائبِ الكون
بامتياز وبعدهم مستمرين !
**********
ما همنى اذا "دخل" جنبلاط
من " البريستول"
"وخرج من البوريفاج"
,ما اليوم معنا وبكره علينا وهيدا حال الزعماء اللبنانيين
***********
َ وزعماء كثيرون
يتنعمون في البلاد
وكل يوم رح يجينا حرامي يتمثل بالأخرين
والحكي للجاره تيسمع المعنيين
وانا :
كل قطعة من قلبي
في بلاد !!!
خي واختي وبي وامي وابني وبنتي وعيلتي
واخ شو صعب الفراق سألوا اللي مجربين !!!!!
***********
ما همني اذا نجح زعيم او سقط زعيم
والشعب مشتهي شكل التين
وكل يوم بيجينا زعيم جديد بكذبه وخبريه
ومفتكرنا بعدنا مصدقين.
*******
اعجب ليه ما بيثور الشعب اللبناني
على كل الزعماء الموجودين
ويطالبوا بوقفة ضمير
تنقدر نعيش متل البني ادمين
ونبطل نعتل هم لقمة العيش وما نصير مشردين.
********
ليه بس بالدول العربية الزعيم بيحكم مليون سنه ؟؟؟
وممنوع تحاكمه او حتى تطلب منه عيشه هنيه
من حق كل مواطن مسكين
بيدفع الضرائب متله متل الباقيين.
************
معقول بعدنا منصدق الزعيم فلان والزعيم علان
وكل يوم منشوفهم بالتلفزيون والاذاعة
بيصرحوا بموقف جديد ،
لأنه صار عندهم شي تاني اكتر مفيد ،
***********
وبالبلد بعد في عنا عائلات كثيرة
تنام بلا عشاء
لتدفع فاتورة ِ الماءَ والكهرباء ....
واصلا ما عنا
لا ماء ولا حتى كهرباء بس عنا
ضرائب عم بتزيد ..
********
انا لبنانية وما بنتمي للألوان
انا لبنانية وبفتخر اني بنتمي
بس لعلم لبنان
*********
ولو فكرنا شوي يا حلوين كنا عرفنا
ان سبب غربتنا عن اهلنا واحبابنا
وجوعنا وعذابنا
والهم والتعتير
هني هالزعماء الوسخين
اللي بينبحوا ونحن خلفهم منركض مبسوطين.
************
واللي مش عاجبه كلامي يسكر دينيه
وخليه يركض وراء المعنيين