الفصل الأول من مسرحية سوزان ومبارك
مصر 2015
نظيف : الريس فين ياسوزى
سوزان : هتلاقيه نايم جوه هو وراه ايه غير النوم
( دخل نظيف للريس وقال )
نظيف : صباح الفل ياريس ( وطى على ايد الريس وباسها ) دا احنا من غيرك منسواشى
سوزان : ياترى عاوز منه ايه السعادى هى عادتك ولا هتشتريها
نظيف : انا متهمنيش غير سلامة سعادته
مبارك : الشعب عامل ايه ياظريف وايه اخبار البطاله
نظيف : انا نظيف ياريس مش ظريف دايما سياتك بتنسى والشعب زى الفل وصلو 40 مليون والحمد لله مفيش بطاله خالص
مبارك : وال 40 مليون التانين راحو فين؟؟؟؟
نظيف : ياريس سعاتدك احنا بنشتغل مش بنلعب منهم الى هج من البلد ومنهم الى مات من الجوع
مبارك : هو احنا فى سنه كام دلوقتى
نظيف : 2015
مبارك: وايه اخبار الانتخابات ماعاد فاضل كتير
سوزان : ياشيخ اتنيل انته عارف تقوم من على السرير ما تسيب جمال بئا ياخد فرصته حرام عليك
نظيف : ياريس جمال عمل حزب معارضه وهيرشح نفسه ضدك فى الانتخابات
مبارك : يافضحتك يامبارك الناس تقول عليك ايه دلوقتى وانا بقول الواطى ابن الجزمه ده مبيسئلش عنى ليه
سوزان : متغلطش كتير سيب الواد بئا يعيشله يومين
نظيف : ادينى اشاره بس ياريس وان اطيره خالص زى رؤساء الاحزاب التانين
مبارك : لالالالا دا برده ابن حنان وانا مقدرش ازعلها
سوزان : سوزان ياهبل مش حنان
مبارك : ماشى يانورهان
سوزان : الله يطولك ياروح اسمع جيبتلك التليفون تسال على البابا الجديد احنا داخلين على انتخابات
مبارك : ابوكى مات من زمان
سوزان : يادى النيله خد ياعم التليفون
مبارك : ازيك ياطنطاوى سلامتك ياعم الشيخ
سوزان : اوف اشوف فيك يوم يابعيد طنطاوى مات من زمان اقفل هتفضحنا
مبارك : حلى عن دماغى وانته ياظريف مقلتليش اخبار فتح وحماس لسه بيتعاركو على غزه
نظيف : اسرائيل احتلت كله وحماس وفتح بيتعركو دلوقتى على طابا
مبارك : هى حصلت يتعركو على شرم وانا عايش ما بعدتش الجيش ليه ؟؟؟
نظيف : الجيش مش فاضى ياريس بيتعارك مع الامريكان فى السودان
مبارك : امريكان وسودان هما الامريكان دخلو السودان
نظيف : امال الناس هجت وماتت من الجوع ليه الامريكان قطعو النيل
مبارك : ازاى بوش يعمل كده دا ايديه ساحت من كتر بوسى فيها رنلى عليه بسرعه
سوزان : انته محموق ليه كده ادى اخرت بوس الايادى بوش اتغير من زمان
مبارك : امال الشعب بيشرب منين
نظيف : الشعب بيشرب كوكا ما احنا دعمناها فى التموين والملك عبد العزيز بيبعتلنا ميه معدنيه
مبارك :اطلبى القذافى على التلفون
سوزان : القذافى مات وبنته دلوقتى هى الى ماسكه البلد
مبارك : هو انا بقالى اد ايه نايم على كده
سوزان : انته طول عمرك نايم على ودانك ياحبيبى
( وطلبت سوزان بنت القذافى )
بنت القذافى : شنو بتريد منى مبارك الشؤم
مبارك : ساعدينى وهديكى السودان
بنت القذافى : هذا حالك انت حر فيه انا ما اساعد الاغبياء وتك
( وقفلت السكه فى وش المعلم)
مبارك: قفلت السكه فى وشى ياحنان انا بتاع السلام بقالى 50 سنه اقول ياسلام ياسلام
والاخوان راحو فين ياظريف ؟؟؟؟
نظيف : بيحاربو مع الامريكان
مبارك : طير رقبه جمال ياظريف وانتى طالق بالتلاته ياحنان
سوزان : سوزان ياحيوان وانته نسيت ان العصمه فى ايدى
مبارك : خلاص انا هخلعك واخد الشقة
موضوع: الفصل الاول من مسرحية سوزان و مبارك 
السبت مارس 05, 2011 9:56 pm