كتب-أحمد حسن:
الشاب المصري احمد الشحات تسلق العمارة للسفارة
الاسرائيلية وانزل العلم الصهيوني ورفع علم مصر بدلا
منه
· اطرف التعليقات المصرية على تسلق عمارة السفارة الإسرائيلية
لا تتوقف "خفة دم" الشعب المصري عن التعليق على الاحداث اي كانت، وهذه المرة تدفقت التعليقات الطريفة والنكات تعليقا على واقعة تسلق الشاب المصري احمد الشحات لعمارة السفارة الاسرائيلية وانزال العلم الصهيوني ورفع علم مصر بدلا منه.
وعلى الفور انطلقت المئات من التعليقات الطريفة والنكات على فيس بوك وتويتر للسخرية من اسرائيل والاحتفال بهذا الحدث.
ومن اهم التعليقات الطريفة التي يتبادلها الشباب:
جيل مبارك كان بيمشي جنب الحيط.. لكن جيل الثورة بيمشي ع الحيط.
صوتي يا أم مائير شباب مصر بيطير.
الطمي يا أم شاليط .. شباب مصر بيمشى عالحيط.
متحدث اسرائيلي: لا صحة لأشاعات رسم العلم المصري علي بوكسر نتياهو.
الصهاينة بيستوردوا دلوقتي بامبرز من كل الأحجام لأنهم مش قادرين يسيطروا على الموقف.. اتبرع و لو بواحدة فرط حجم صغير.
فريد الديب: الرئيس مبارك هو المتسلق الحقيقي للسفارة.
مرتضى منصور: اللي تسلق السفارة ده محامي عندي في المكتب وتأثر بأفكاري السياسية وعندي السيديهات بتاعته.
طلعت زكريا: أنا شفت متسلق السفارة بعد ما نزل والليلة خلصت في كباريه في شارع الهرم وبيعمل علاقات جنسية.
سبيدار مان المصرى.... أم الأجنبي.
يا منزّل علم الصهاينة ورافع راس بلادي ومفرح أم الشهيد وحتاخد تار ولادي.
ياطالع العمارة ومبهدل السفارة وكابس الأعادي: تسلم الأيادي.
عذراً نيوتن.. المصريون لا يعترفون بقانون الجاذبية.
اللي يتاخد علمه من على سفارته ممكن يتاخد منه أي حاجة.. آآآآي حاجة.
السفير الإسرائيلي: ضحينا بالعلم عشان السفارة تعيش.
اقتراح انشاء سلاح جديد في الجيش اسمه سلاح العناكب فرقة اللواء أحمد الشحات.
السفير الاسرائيلي اتصل بعصام شرف وقاله وهو منفعل: ينفع وقفة الشباب قدام العمارة وفيه حريم طالعة ونازلة؟
اسرائيل عندها طيارات بدون طيارين واحنا عندنا طيارين بدون طيارات.
يعني ايه البت تقولي مش حاتجوزك إلا لو جبتلي علم اسرائيل من فوق مبني الأمم المتحدة؟؟!!! منك لله يإللي في بالي.
طيب يعني رشيناكو بميه وضربنا قنابل دخان ورصاص مطاطي ورصاص حي وممتوش، كمان طلعتو 18 دور ونزلتو العلم!! مفيش حد قادر عليكو؟لا مفييش.
المفروض يحطو صورة الراجل اللى شال العلم على الجنيه.
الفول المصري بيعطيك جواانج.
لو سمحت يابنى هى سفارة اسرائيل فين؟ اهى يا حاج اللى عليها العلم المصرى''و'' السفير الإسرائيلي: ضحينا بالعلم عشان السفارة تعيش''.
http://www.masrawy.com/News/Egypt/Politics/2011/august/23/comment_climb.aspx
موضوع: اطرف التعليقات المصرية على تسلق عمارة السفارة الإسرائيلية 
الأربعاء أغسطس 24, 2011 2:05 pm